خمسة حيوانات ..!

مرة واحد غبى ماشى فى الشارع لقى قرد مشي بيه قابل عسكرى مرور سألوا اودى
القرد ده فين العسكرى قال له ودىه جنينة الحيوان تانى يوم معدى بالقرد
العسكرى قال له مش قلتلك وديه جنينة الحيوان قال له ما أنا وديته امبارح ،
النهاردة بقى هاوديه السينما

كان في مرة واحد صاحب مزرعة جزر وجانبه واحد صاحب مزرعة ارانب كان كل يوم
يجي يلاقى الارانب اكلت الجزر كله وهكذا كل يوم لحد مل زهق قرر انه يروح
مزرعة الارانب وجاب شاكوش وكسرلهم كل اسنانهم جه تانى يوم الصبح برده لقى
الجزر بتاعه حد اكله راح عند الارانب ومسك واحد منهم وقاله انتوا واديتوه
الجزر فين قالوه :عملناه عثير وثربناه

خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار

آخر أعراض انفلوانزا الطيور: - الخوف من النبلة - هز الرقبة بطريقة غير
عادية - الشعور بالرغبة فى الطيران - ظهور الريش تحت الإبط - الشعور
بالخجل من الديوك

النمر كان كل ما يشوف الأرنب يضربه و يقول له انت ودانك طويلة كده ليه
فالأرنب راح اشتكى للأسد فالأسد طلب النمر و قاله لما تعوز تضربه قول له
هاتلي جزر لو جابلك جزر اصفر قوله هات جزر أحمر و لو جاب جزر احمر قوله
هات أصفر ، النمر قال للأرنب عاوز جزر الأرنب سأله أحمر ولا أصفر قام
النمر ضربه و قال له انت ودانك طويله كده ليه

مرة نملة ماشية بتعيط فمسكها راجل على كفه وسألها "انتي بتعيطى ليةيا
نملة؟" قالتله "علشان بابا وعيلتى كلهم ماتوا" حط كفه على كفه وقال "لا
حول ولا قوة الا بالله"

كلب جاله ذبحة صدرية ليييييه؟؟؟
بيهوهوا على واحد أطرش

من هو أوفى حيوان فى العالم؟ نمله مات جوزها الفيل قعدت تدفن فيه طول حياتها

طلع مجموعة صيادين يصطادو وكل ما يصطادو حاجه كلابهم تجري تجيب الفريسه
ما عدا كلب واحد بيخاف من صوت الرصاص فقالو لصاحبو خده الافراح اللي بيحصل
فيها ضرب نار كتير عشان يتعود على الرصاص وبعد ما اخده لمدة 6 شهور رجع
يصطاد تاني ولما اصطاد الفريسه الكلب اعد يزغرط

فار وخطيبته ماشيين,شاف الفيل فحب يعمل منظر اودمها,فقعد ينده علي الفيل
ويقولو "خد يا فيل انت أيوة انت يا عجل" واقعد يهزء فيه تاني يوم راح
للفيل وقالو "معلش سامحني انا كنت بعمل منظر قدام خطيبتي وهطلع أبوس
دماغك" وهو فوق دماغه لقي خطبيبته معدية قالوا يعني أكسرلك دماغك دلوقتي"

مره الأسد قال نكتة كل الحيوانات ضحكت إلا الحمار جيه تاني يوم لقوه بيضحك سألوه بتضحك ليه قال لهم أصلي فهمت النكتة

كلب قابل كلب تاني فى الشارع فبيقوله هو فرد عليه الكلب التاني وقاله هوهو رد عليه الكلب الاول وقاله بقولك اييه ما تغيرش الموضوع

فيل على علاقة بنمله قرر فجأه ينهى العلاقه فقالت النمله وهى
تترجاه ارحمنى و ارحم الفيل إلى فى بطنى

مرة كلب فقد الذاكرة ماشى فى الشارع بيقول صوصو...لا نونو.....لا